主頁 » 教育 » 囝囝每次返Playgroup都喊到收唔聲!
適合: 1 - 3歲
囝囝每次返Playgroup都喊到收唔聲!
觀看原文 | 我要留言 | 查看(558)
會員:kitman2

我囝囝將近20個月大了, 由5份開始俾佢返Playgroup, 已經返咗3堂, 初初第一堂我以為他唔習慣, 怕生保, 所以唔可以集中精神遊戲及同其他小朋友玩~

到第二堂, 最慘係由開始上堂到完堂, 1 2/1小時裡有3分2時間係喊....同埋發脾氣...其他小朋友見到我囝囝都怕咗佢, 囝囝跟本沒有上堂....第三,四堂都係同樣情形...真的不知為何, 但我見其他小朋友都不知玩得好開心...仲唔願落堂...

所以, 我有點擔心我囝囝唔知是否有問題, 還是仍唔鍾意返Playgroup.... 依家我都唔知如何是好! 想請教有呢方面經驗嘅媽媽~

ww0109意見:

我個仔而家 18個月, 上咗 pg 兩個月, 前6堂係 sunday 早上, 但都成日扭計 + 唔合作, 因為次次都撞啱眼瞓 or 肚餓, 上星期改咗 sat. 下午, 等佢午睡 & 食飽飽先上 pg, 加上個導師好 nice, 仔仔上堂表現算 ok, 希望幫到你 !

tracy2408意見:

我囡囡嗰陣大約係18個月大左右婆婆建議下返playground玩(1星期1堂) , 未返之前平時唔覺bb點樣 , 但第一日返就喊得好勁 , 又唔聽話 , 成堂都喊 , 搞我都好尷尬 , 而且覺得自己bb好似好曵 , 玩完玩具唔識自己執 , 唔聽miss指示 , 立即多報一間 , 變一星期返3堂左右(都係有大人陪的) . 差不多返左一個月 , 情況就好轉了 . 返到2歲2個月就轉左 , 係日日下午返1.5小時啟蒙班 (自己返冇大人陪) 都冇問題了

 

初初一定會有喊嘅情況 , 我囡囡而家返緊嘅啟蒙班 , 有d同學仔大部份都2.5-3歲 , 但放左星期6/日假期之後 , 星期一返學都會扭下計

pinkpigmom意見:

可以試下去之前同bb講,一陣間去pg有D乜野玩,講到好好玩咁,等bb有心理準備,會無咁驚。