主頁 » 教育 » BB成日執地下d垃圾食...可以點教?
適合: 2 - 12個月 1 - 3歲
BB成日執地下d垃圾食...可以點教?
觀看原文 | 我要留言 | 查看(633)
會員:嫻BABY

我個囡14個月大...成日執地下d垃圾食.....

話又話過...打佢手仔佢都唔肯改... 我真係唔知點做.........

cousin意見:

我個囡以前都係一樣, 但我由得佢, 等佢放落口之後同佢講食左會病, 病就要睇醫生, 睇醫生就要打針食藥好辛苦... 佢唔聽就算, 就等佢大病一場就同佢講返件事! 我寧願個囡病多d, 扺抗力就自然增強, 唔似其他家長乜都要乾乾淨淨

kellyly1211意見:

每次見到佢執既時候, 你捉住佢手臂仔用好嚴厲既語氣同佢講唔可以咁做
頭幾次佢唔會明白架, 不過試多幾次呀
如果仲係唔得既就加埋罰佢企
打係無用, 你越打佢佢越反抗

duncan9394意見:

咁點解你唔執乾淨個地?
你識得話 BB 唔聽你話,咁點解你唔整好個地方?
等佢連執垃圾既機會都冇,仲點會有得食?

我日日同小朋友返幼稚園,見到好多家長拖住小朋友紅燈過馬路,
自己都未教掂自己,點教仔女?

淋魚魚意見:

教佢丟入垃圾桶...
然後大大聲好誇張咁讚佢:「好叻喎~ or 好乖」
呢招我用過好work....
而家成日會幫我執返d 垃圾丟入垃圾桶

我老公成日將d 銀仔周圍放... 地下成日都有銀仔...講左佢都係唔會放好...
我個女以前就好鍾意執銀仔玩, 有幾次放入口俾我地見到...
之後我將一個錢罌放喺角落, 教佢將d 銀仔入落去...
自此佢冇再放入口啦~

gc71意見:

這是佢的學習階段,為什麼阻止佢呢?小心變咗學習遲緩!
父母係要做好本份,將地方清潔,打一個未明白你說話的bb有何用!

abbychuchu意見:

細路仔係咁樣架啦, 我個女都係咁
其實佢多數時間喺屋企, 屋企拖得清潔d就得

唔好打
同佢講佢唔聽, 都要再繼續同佢講
我個女20個月, 都係打過3次 (真係超頂唔順先打)