主頁 » 健康資訊 » BB滿月了,好奇怪
適合: 初生嬰兒
BB滿月了,好奇怪
觀看原文 | 我要留言 | 查看(14661)
會員:whlkpc

我兩公婆有請陪月,姨姨湊得佢好好,唔係佢我倆個一定攪個B唔掂,但最近兩個禮拜開始成日有問題:


1)夜晚有時喊就算抱佢呵佢都唔收聲,佢嗰種唔算係喊係狂叫,有時用奶咀會收聲有時都唔得!佢狂喊真係冇甚麼方法可以令佢收聲,係咪要忍心等佢喊到倦自己收聲?

2)日間姨姨餵佢食奶係冇問題既,但姨姨收左工到夜晚我地餵就開著眼唔食,要湊佢睡著先會食,但好多時佢就算好倦都唔肯瞓!我地好耐未試過佢係會開著眼食奶!

3)BB好醒瞓,通常個零鐘就開始醒,佢瞓緊個口會發好多聲同郁手郁腳正唔正常?

我兩個呢兩個禮拜真係身心疲累,我開始擔心因為覺得老婆開始有點忟憎唔知唔會變抑鬱,有經驗的請給點湊仔心得幫我們!
kellyly1211意見:
1)佢仲細個,而且可以試下同佢搓下肚仔,而且又可以煮熟雞蛋同佢順時針碌下肚仔
, 因為都會有機會佢係肚仔痛既

2)咁日頭你地有無幫手餵奶架,而且有無睇過佢係點餵呢, 有可能係你地餵奶既姿勢同姨姨唔同, 佢唔鍾意

3)瞓一陣就醒,對於初生B黎講有好多B都會係咁既, 因為佢地而家要學習去適應呢個世界,唔同BB係MAMI肚時咁舒服寧靜,咁就會好易醒,比多D時間佢適應喇, 而佢發出好多聲迫同郁手郁腳,遲下大D就會唔會架喇

樓主唔洗咁擔心,有部份bb都有既情形
我個仔都係咁,到左3個月, 情況就好好多喇.
你有時間既話,搵人幫你地睇住BB
同太太去行下街食餐飯咁
可以放鬆心情
對大家同對湊B都會好好多



thythy意見:
我個囡之前都試過咁呀, 捱左2個幾月, 終於同佢睇兒科,
原來係佢夜晚比較多肚風, 所以令到佢唔舒服呀,
肚風唔分日夜架, 你試下帶佢睇下兒科,
有咩問題一次過問哂個醫生,
醫生都會好有耐性咁答你地.
唔駛乜都估估下嘛!



kellyly1211意見:
1) 頭3個月既BB係好易會肚仔痛,咩原因就唔知, 而且夜晚先肚痛唔奇, 我大仔當年只係夜晚肚痛,日頭佢就無事

2) 哈哈呢個就無法喇,你地試多D唔同既姿勢
我/老公/我媽/奶奶,我地就算望落姿勢一樣,但佢地個個都搞唔掂我細仔, 因為細仔係要我餵佢至唔扭食奶

3) 慢慢黎BB仲細係咁架喇



小雪Icy意見:
有人話係肚痛, 有人話叫百日哭, 英文叫 colic,
大約有 20% 既初生 BB 會咁,
每日定時定候 (多數係夜晚或黃昏) 有兩三個鐘頭狂喊, 原因不明,
到 BB 大約三個月大, 哩個情況就會突然消失,
你要耐心等佢長大~

有D人會建議用不同方法安撫佢,
有D會 work, 有D唔 work, 個個 BB 唔同, 你都不妨試下,
我細仔果陣, 要抱到佢彎起腰, 大腿貼住肚仔咁既姿勢,
佢就會喊得冇咁慘, 只係抽泣, 否則會狂喊~



WINNIELI67意見:
BB有冇帶玉咀,玉佛之類東西呀? 放本舊通勝在BB床側,,試下



stevie1意見:
嘗試多些掃風, 及用手掌打圈按摩肚子.
亦可以試下喺bb瞓之前播一些音樂.



evamuffy意見:
樓主, 首先恭喜你bb滿月, 我仔仔都剛剛滿月呀! 我係全職媽咪, 24小時日夜間都係我負責, 你bb既問題我仔仔都有發生.

其實大家都答得對, 係肚風, 我問過醫生, 佢話係正常既, 無可避免, 我仔仔日頭都好乖嫁! 係夜晚先咁! 喊到割雞...慢慢黎, 做爸媽既, 呢d就係我地既經歷, 同仔仔一齊學習! 到3個月就會無事. 以前d人應該係用肥仔水解決呢個問題, 但香港禁左, 醫生都話其實無乜用, 係大人心理作用覺得用左好d.

餵奶方法如果bb之前掃風掃唔哂, 個肚重有氣, 佢會不停喊因為想飲奶但吞唔到, 你要忍心唔餵住掃左風先!

郁手郁腳好正常, 我仔仔郁得好勁嫁! 其實佢地只係未識控制自己手腳所以咪亂郁囉, 同小朋友扭計
喺地跳一樣, 只不過係識企同唔識企分別!
放心! 我地一齊努力! 唔好自己嚇自己, 做媽媽既我, 最需要老公既時候係夜晚bb扭計, 如果見到老公理都唔理下, 一次都唔起身, 日日係咁, 會好氣餒!



solomandy意見:
bb狂喊係唔係日日都差不多時間 ? 如果係 , 宜d叫百日哭 , 你去健康院 , 有本好厚既書仔比你 , 你有睇就會知 , 另外你都可以上網serch 下 , 宜d係好普通!
bb唔食奶 , 可能掃風掃得唔夠! "long"住個胃 , 所以食唔到奶囉 !
bb醒瞓, 用包被毛巾包實會好d架! bb瞓緊個口會發好多聲同郁手郁腳, 依d都好正常 , 唔駛太擔心 !!



\whlkpc意見:
用包被包到實係有點用的,昨晚冇咁醒瞓,唔郁手郁腳又冇咁易醒,我地都可以瞓多D!



raymond1313意見:
試下在BB房日夜不停長開收音機.習慣有聲音.
到夜間靜有雜聲都不易嚇醒.希望這方法幫到你



griffon12345意見:
1. 其實無乜問題, 有d BB係咁, 唔駛咁緊張.

2. 如果你試過跟番姨姨個姿勢都係唔得, 能係環境問題, 有機會係燈光, 會唔會你地抱佢時D燈光成日射住佢? 咁呢個時間BB對光會好敏感, 所以唔肯食奶. (註 : 可能對第一點都有影響)

同埋樓主話隔離屋個鄰居好嘈, 都可能有影響, BB早上習慣左咁嘈, 咁夜晚無聲佢會唔慣, 留意下關唔關事(試諗下, 佢日頭次次起身都聽到隔離屋D怪聲, 人聲, 但一到夜晚就無灑, BB仔未必適應到) (同埋有D BB仔好鍾意有"人氣"架地方, 有聲音嘈嘈下可能你個B會鍾意D都唔出奇)

3. 完全無問題, 個個BB都係咁.



Be_princess意見:
bb晚上係會好敏感同無安全感..

而且bb係唔識認人,但係會認氣味!
因為你地唔係佢要既
姨姨既味..佢會唔安全..所以就會喊! 覺得你地唔係佢安心信任既人,喊一d都唔出奇...你試下半夜叫姨姨來抱佢,睇佢喊唔喊...