主頁 » 健康資訊 » 懷孕老婆脾氣暴燥,點先可以令佢心情平復D ?
適合: 1 - 13週
懷孕老婆脾氣暴燥,點先可以令佢心情平復D ?
觀看原文 | 查看(1775)
會員:sukidaming

 

我同老婆剛發現Bingo 左, 我地預約左星期五去做第一次檢查. 佢得知有左後心情好緊張, 又上網, 睇書, 睇下有咩要補, 有咩唔食得, 我同佢都好緊張. 佢而家無工作.

最近幾日脾氣開始好暴燥, 好似咩都睇唔順眼咁, 又經常發我脾氣. 我又唔識Tum 佢, 而家先岩岩開始, 我擔心往後日子點算好呀??

想問下各媽媽, 你地以前係咪都係咁架? 點先可以令佢心情平復D ?

謝謝.

 

bt2226意見:

 

我都係ARM ARM有左...
我自己都覺自己好大脾氣...但係...真係控制唔到
有時我都覺得難為左我老公
但係我老公同你就完全相反
佢唔係諗佢點去就我
佢只係成日話我有問題
我有同佢傾過...但佢反而.......

我覺得其實你見佢發脾氣果陣..你攬住佢就OK..
"係係係...哦"
"BB,你媽媽發脾氣,你唔好學佢...哈哈"
只要順從就OK..

你老婆真係好幸福

 

cherriebb意見:

 

有左情緒唔穩定係正常架, 尤其是頭一兩個月, 因為賀爾蒙突然改變, 實在係在所難免架, 你唯一可以做既係同你老婆傾多d計, 等佢覺得你關心佢

 

日下夕湖意見:

 

我都好大脾氣!!!
我老公忍得就忍,忍到忍冇可忍就鬧返我囉!!
之後我咪喊囉!!

真係唔知做咩發咁大脾氣架!!
可能根本係雞毛蒜皮既事,但係都係發架!!

 

情已變意見:

 

你得閒同佢傾多d計...或者放工返屋企時買d小禮物比佢...例如佢鍾意食既野...或者買支花...又唔係好貴..但佢又會覺得你緊佢...
同埋大肚婆發脾氣對個bb唔好架...如果發得勁會令個bb缺氧...我嗰時都係因為驚bb有事...所以原先超勁大脾氣既我變左隻小綿羊

 

lcy2909意見:

 

學我老公,
成日拎個b黎叫我收火,
佢話你成日發脾四,
到時個b一出黎都係自己受,
我當堂熄晒火............

 

waibee061124意見:

 

其實唔係女人幫女人 ~ 我果時真係炆到成日喊
又會發夢見到老公去溝女 ~ 當然佢係好男人日日收工番屋企好乖
不過真係好易炆~好易喊好易唔開心
我覺得做老公既應該多體諒太太~唔係話太太唔需要體諒先生
但其實陀B既時候情緒好易波動~而且荷爾蒙影響所致~身體又會有唔舒服

其實太太同你陀B佢自己都好辛苦~有時佢炆佢都唔想既
我都知自己果時成日話老公唔啱~所以好多時話完佢又錫番佢...
好彩佢都會體諒我唔舒服同情緒既變化
你做先生既多同佢溝通~幫到就幫佢做家務~ 多照顧佢關心佢等佢平靜下啦
女人陀B係要錫既   加油 !!!! 火爆性格就要而家開始改變自己
而家就下個老婆都唔得既話....第時BB出世日喊夜喊你唔夠精神你仲火爆~
慢慢黎啦新手父母

 

cecito628意見:

 

大肚情緒係唔多會好架啦...我陀bb時脾氣都好大....小小事已經令我怒火衝天...有時連自己都唔知過左火....
做老公既只可以忍下啦...因為老婆陀bb都好辛苦好大壓力....如果你同佢當面衝突都只會搞到佢唔開心仲可能會喊...(大肚婆係好情緒化)...真係頂唔順既...自己離開現場冷靜下啦...