主頁 » 健康資訊 » BB膽小成日瞓唔冧, 小小聲都會嚇到彈起
適合: 初生嬰兒 2 - 12個月
BB膽小成日瞓唔冧, 小小聲都會嚇到彈起
觀看原文 | 我要留言 | 查看(14465)
會員:kitying_fds

我個BB女四十幾日大, 唔知點解佢成日都瞓唔冧, 細細聲瞓瞓下都會嚇到成個彈起...真係唔係我誇張呀, 連熄粒燈制都成個彈起, 之後就勁喊, 喊到成塊面紫曬咁制...點攪呀? 睇見佢咁喊法真係心都痛埋呀...有冇人可以幫下我呀?
 
俾米袋BB瞓我就未試過...
我媽咪整左個"油金子"袋仔壓住佢心口...不過都好似冇咩用...
同埋我想問下...係咪而家2個月都未夠, 唔好帶佢出去架?

LIONDOG1030意見:

我d同事佢地既奶奶/阿媽都係整米袋架
帶bb出去方面...早上就無問題, 可以吸收陽光, 天黑就唔好啦

bird_crystal意見:

可以試下買隻日本出品既cd, 據稱模仿bb響媽媽身體內所聽到既媽媽心跳聲,

能令bb馬上安心, 即使大哭中也可令bb很快入睡.

我以前買過送俾朋友, 響hk record既classical部揾到架.

123sillyboy123意見:

參考依個方法﹐用薄薄既包被包實BB﹐包兩層。
http://www26.discuss.com.hk/viewthread.php?tid=10185813

pearljam意見:
bb係咁, 米袋未必有用架...

試下開住少少燈暗暗地瞓啦, 兩個月後應該會好d...

好多時, BB日頭瞓得好冧夜晚唔瞓...我有兩個建議 :

(1) 定時餵奶 (例如3個鐘3安)

(2) 早上9am開始播radio或音樂 到晚上8pm, 可以令到bb的cycle比較regular..

小黃豆意見:

我個仔用米袋都係唔得,佢仲好唔舒服。

其實無需要用呢樣野,要安全感,最簡單包實佢就OK了。

lui1216意見:

我個女之前都係咁, 我仲要抱住佢先瞓, 好煩好擔心


之後我就用被圍住床, 等佢好似響阿媽個肚咁俾野夾住
日頭同夜晚屋企都有聲, 開電視, 開收音機, 開音樂
因為全屋無理由全日都咁靜, 要佢習慣有聲, 如果一d聲都無, 一有聲又紮醒


我會抱住佢瞓冧先放落張床, 一放落去張床, 即放米袋落佢心口(腋下對落, 唔好太高, 驚佢整住自己) 又放一個比較輕既cushion響對腳上, 等佢紮都唔會整個紮醒, 如果見到佢一紮即用手放落佢心口上, 安定佢~ 同埋用橄欖油整熱我對手, 敷落佢個肚, 每次整4-5 次, 我一日整三次, d人話佢個肚有風先係咁


我個女大份, 嗰陣時已好難用包被包住, 佢又大左, 好難包住實, 唯用上面既方法
我個b過左兩個月就少左好

wkvictor意見:

正確米袋使用方法:

米袋應為長條形, 穿過"格甩底"壓住心口仔, 即雙手壓住米袋, 而米袋壓住心口咁

當然, 咁細個b, 你都要經常去望下佢啦
另外, 每個b都唔同, 如果佢唔鍾意, 就唔好用啦
 

至於聽到聲就扎醒, 想問下平日屋企係咪好靜, 屋企人講野又好細聲?
我見好多case, 因為屋企平日得姐姐湊, 結果去到成歲大, 搭電梯d人多d, 或者喺電梯入面講野, 都會嚇到喊!
平日可以同佢講多d野, 屋企講野亦唔駛就住就住, 四十幾日當然唔好出街住啦. 不過大少少, 可以定時出下街.

 

其實如果講細膽, 應該冇人細膽得過我隻b.

佢33週4出世, 因為肺積左水, 要提早拎佢出黎, 住左個半月icu, 出左院返到屋企, 連我同老婆摸下佢都會皺眉頭, 其他人唔好話摸佢, 就連望下佢都會嚇到喊! 因為係醫院, 基本上冇人理佢, 一有attention, 就係要打針同做operation.

之後帶佢見多d人, 可能我同太太工作關係 (我係心理治療師, 太太係社工), 所以用左一d技巧, 例如同佢見人時, 我會捉住bb隻手去摸朋友 (等佢有主動感、操控感), 慢慢, 冇咁驚人, 4個月大就克服左怕人的感覺, 到6個月, 肯俾人抱添, 9個月會主動撩人玩, 同人打招呼咁啦.

重點係, 佢係咪真係好少聽見 / 睇見其他野, 如果係, 好難會唔驚囉!

kk619意見:

唔贊成咁細個同bb一齊瞓, 好危險!
試過用米袋, 唔work
試下用包被包住bb(伸返兩隻手仔出嚟), 等bb覺得有安全感,好似係媽咪肚入面
我仲幫bb戴玉鐲子, 好似有d幫助

iPORK意見:

我bb 6 week, 之前 2-3 個星期都瞓唔冧, 好易醒
每晚都由黃昏哭到零晨1-2點, d 人叫呢d做「吵百囉(百日哭)」, 外國人叫 3 months colic, 睇過醫生都無辦法...初時係因為肚風問題, 但解決後依然係好扭計

 

昨晚開始試用包被, 五花大縛, 效果出奇地好, 由7點瞓到1點, 食完奶再瞓到第二朝......今朝媽咪餵完奶, 佢仲扭計, 唯有照辦煮碗, 用五花大縛, 喺佢耳邊"薯薯聲", 結果唔駛10秒, 即時安靜哂, 抱多一陣仲瞓埋