主頁 » 健康資訊 » BB晚晚扭計唔瞓覺
適合: 初生嬰兒 2 - 12個月
BB晚晚扭計唔瞓覺
觀看原文 | 我要留言 | 查看(5206)
會員:emilyrainbowli

BB40幾日人仔, 差不多晚晚都扭計唔肯瞓(佢打哂呵欠), 我可以點做?

日頭已經唔比佢瞓,樣樣方法都試過,搞到成家都無得瞓......

鈿陼仔意見:

有冇包實佢呀? 抱住佢行下...唱下歌仔...
我個仔之前都係咁架...
就算瞓左但放落床就醒...瓜瓜嘈...
我唯有抱住佢攬實佢一齊瞓...
呢段日子持續左3個星期...

macvn123意見:

我都好明白,我bb開頭2個月都係咁,我果陣晚晚通頂個人都顛顛地.

雖然唔健康,但我用奶咀,佢有睡意果陣啜下啜下就會瞓.

你可以試下臨瞓前晚晚重覆做一系列既野,e.g. 換片-->將d燈調暗-->飲奶-->掃風-->打直抱一陣以防嘔奶-->放落床(我呢個時候加奶咀)等佢自己瞓.

記住晚晚都要一樣step,咁過一排bb就會知道做完呢d動作後要瞓覺.

emilyrainbowli追問:
已經飲飽咗奶嘞....其實呢d情況要持續幾耐呢下?

123sillyboy123意見:

你BB既情況﹐如果每日都係類似既時間﹐定時定候喊﹐喊兩個鐘就停。 而係無原因﹐唔係尿片﹐唔係餓﹐唔係驚﹐唔係凍。
依種喊叫「百日哭」﹐ 英文叫Colic...
健康無問題﹐只係有部份BB會出現的。
無明確既解決方法﹐喊3個月無啦啦會結束﹐唔再喊。

你可以試下幫BB驅肚風﹐坊間有碌蛋既方法驅肚風﹐可以一試﹐原理其實都係多些按摩BB身體。 另外﹐亦有一種叫吳德物次既水﹐聲稱可以減少colic 既情況﹐英文叫gripe water﹐外國都有依種水。 我自己無試過﹐只係提供資料俾你參考一下。

相比起以上既方法﹐香港比較流行「保嬰丹」﹐我自己亦無試過。